【投資 集中定分散好？】- 現代投資組合理論(Modern Portfolio theory)
#投資前要做功課 #財務學 #現代投資組合理論 #UCD
-----------------------------------
股神巴菲特講過：「只有不知道自己在做什麼的人，才需要分散投資。」大家點睇？
好多人投資股票都會分散投資，道理好似唔會將所有雞蛋放入一個籐籃咁，以防唔小心就一鋪清袋，因而就出現左現代投資組合理論，意思係點樣可以減低投資風險，最基本就係要認清楚咩係系非系統風險(unsystematic risk)同系統風險(systematic risk)，以股票市場做例子，前者就係指買入一間公司股票要承受的個別風險，公司會唔會突然有壞消息傳出，又或者公司營利轉差；而後者則係形容成個經濟大環境帶來的風險，例如政局不穩或政府推出貨幣政策，無論持有咩類型股票都有機會受到影響。而分散投資除左可以係買入唔同類型公司股票外，其實仲可以分散到唔同投資市場，例如債券或房地產各方面。
而對於無時間長期留意股市波動的投資者黎講，分散投資無疑係相對穩妥做法。但事實上如果想賺大錢，大部分進取投資者都係會主張採用集中投資，前題當然需要花時間做分析同細心觀察股市波動，先有信心咁迅速買入或沽出獲利。
雖然兩個睇落係對立的理論，但共通點大家都要先深入了解自己選擇的股票先好做決定，對於自己唔熟識當然「眼看手勿動」。
現代投資組合理論(Modern Portfolio theory) 參考資料：
http://www2.hkej.com/wm/article/id/1146
Search